Қызылорда облысында ҚАЖ қызметкерлері қару-жарақ жасырылған орынды тапты, – деп хабарлайды Aikyn.kz.Polisia.kz-тің дерегінше, Қызылорда облысында ҚАЖД-ның №68 республикалық мемлекеттік мекемесінің жедел бөлімі жазық даладан қару тапты.
Мекеменің жедел бөлімі қызметкерлеріне "қаладағы сол жағалау шағынауданы, №8 үйдің артындағы жазық даладағы тал астында атыс қаруы жасырылған болуы мүмкін" деген хабарлама келіп түскен.
Ақпарат бойынша, қызметкерлер Қызылорда облысы бойынша ҚАЖ департаменті жедел тобымен оқиға орнына барды. Анықталған дерек бойынша, Қызылорда қаласы ПБ-ның жедел тергеу тобы шақыртылып, қару мен оқ алынды.
Яғни, жедел ақпаратты тексеру барысында жоғарыда көрсетілген мекенжай аумағында аударылған талдың арасынан ақ матаға оралған ұңғысы кесілген № и-5180 нөмірлі, 16 калибрлі аңшы мылтығы және үш дана 16 калибрлі оқ анықталды.
Қарудың атуға жарамдылығын тексеру үшін сараптамаға жіберілген. Бүгінде сараптама қорытындысымен атуға жарамды екені анықталды.
