21 наурыз күні 112 пультіне Шалқар қаласындағы теміржол стансасының 4-стансалық жолында жеке тұрған вагонда 12 шаршы метр алаңда өрт шыққаны туралы хабарлама түскен, – деп хабарлайды Aikyn.kz.
Оқиға орнына өрт сөндіру жасағы мен ҚТЖ өрт сөндіру пойызы жіберілді.
– Құтқарушылардың кәсіби және үйлестірілген әрекеттерінің арқасында өрт тез арада оқшауланып және оның вагон ішінде одан әрі таралуына жол берілмеді, – делінген ақпаратта.
Зардап шеккендер жоқ. Өрттің себебі анықталуда.