«Ұлытау» үшінші рет қатарынан жеңіске жетті

Алаң иелері фаворит саналғанымен, есепті қонақтар ашты. 21-минутта Жасұлан Молдақараев мергендігімен танылды. Ал 43-минутта «Ұлытау» сапынан Бекжан Рзатаев қызыл қағаз алып, команда алаңда он ойыншымен қалды.

Әйтсе де, жезқазғандықтар екінші таймда шабуылға төтеп беріп, өз қақпаларын аман сақтап қалды. Қорытынды есеп: 0:1.

Осы жеңістен кейін «Ұлытаудың» ұпай саны 11-ге жетіп, олар турнир кестесінде қауіпті аймақтан алыстай түсті. Ал «Атырау» бар болғаны 4 ұпаймен соңғы орында қалды.

«Атырау» — «Ұлытау» 0:1 (0:1)

Гол: Молдақараев, 21 (0:1)

Қызыл қағаз: Рзатаев, 43