Израиль мен Түркия Бейруттағы ЦАХАЛ соққысына байланысты өзара айып тағуда, деп хабарлайды BAQ.KZ тілшісі Үnetnews.com-ға сілтеме жасап.

Түркия Израильдің Ливан астанасына жасаған әуе шабуылын айыптап, оны тұрақсыздықты ушықтыруға айыптаған соң, жағдай шиеленісе түсті. 

Ал Иерусалим жауап ретінде Ердоғанды азаматтарды қатал басып-жаншу мен саяси қарсыластарын жаппай қамауға алу саясаты үшін сынға алды.

Израильге Ердоғанның орынсыз моральдық уағыздары қажет емес, - деді Израиль тарапы.

Израиль мен Түркия арасында демалыс күндері өткір дипломатиялық қақтығыс орын алды. Анкара Израильдің Бейруттың "Хезболла" бақылауындағы Дахие ауданында жасаған әуе шабуылын қатаң айыптады. Бұл шабуыл Ливан аумағынан Израильдің солтүстігіндегі Кирьят-Шмона қаласына жасалған зымырандық шабуылға жауап ретінде жасалған еді.