Қазақстан Ұлттық банкі сарапшылар арасында жүргізген макроэкономикалық сауалнаманың нәтижелерін жариялады. Сауалнама барысында мұнай бағасы, экономика өсімі, инфляция, базалық мөлшерлеме, экспорт-импорт және теңге бағамы сияқты негізгі параметрлер талқыланды, деп хабарлайды BAQ.KZ тілшісі.
Мұнай бағасы мен экономикалық өсімнің болжамы
Brent маркалы мұнай бағасы бойынша 2025 және 2026 жылдарға арналған болжамдар өзгеріссіз қалды: бір баррель үшін сәйкесінше 75,0 және 72,0 АҚШ долларына белгіленген. 2027 жылға арналған бағалау сәл өзгеріп, 72,5 АҚШ долларына дейін көтерілді.
Қазақстан экономикасының өсіміне қатысты бағалаулар 2025 және 2027 жылдарға төмендеді. 2025 жылға арналған болжам 4,9%-тен 4,7%-ке, ал 2027 жылға – 4,5%-тен 4,3%-ке дейін қайта қаралды. 2026 жылға арналған күтулер 4,5% деңгейінде сақталды.
Инфляция мен базалық мөлшерлеменің болжамы
Инфляция бойынша барлық болжамдық кезеңде көрсеткіштер нашарлады.
- 2025 жылға арналған инфляция болжамы 8,7%-тен 10,6%-ке дейін көтерілсе
- 2026 жылға – 7,0%-тен 9,0%-ке
- 2027 жылға – 5,8%-тен 6,1%-ке дейін артты.
Инфляцияның өзгеруі базалық мөлшерлеме бойынша болжамдарға да әсер етті.
- 2025 жылдың соңына арналған базалық мөлшерлеме болжамы 15,9%
- 2026 жылға – 14,3%
- 2027 жылға – 11,5% деңгейінде болды.
1
0
0
0
0
