Жігіттерді әскерге күштеп, көшеден алып кетіп жатыр

Жігіттерді әскерге күштеп, көшеден алып кетіп жатыр

Құрбымның баласы Түркияда оқиды. Каникулға елге келген. Оқитын университетінен анықтама әкеліп, тиісті базаға енгізген екен.

Кеше достарымен кездесуге барып, үйіне қайту үшін такси күтіп тұрғанда біреулер көлікке күшпен мінгізіп, военкоматқа алып кетіпті. Әй-шай жоқ, ескерту жоқ,студентпін дегеніне қарамай көлікке малша тиеп алып кеткен. Бала шешесіне екі сөз ғана жазып үлгеріпті: "мама, военк...". Болды. Осыны жазып жатқанда телефонды қолынан жұлып алған. Шешесі алып ұрып военкоматқа барады. Базаға анықтама енгізілген десе, ол базада 10 күннен соң көрінеді депті! Бұл баланы оқып жатқан университеті эрасмус бағдарламасы арқылы үшінші елге оқуға жіберіп отыр. Арасында ата-анасын сағынып келгенде военкомдардың мына қылығын қалай түсінуге болады дейді шешесі. Шешесі түннен бері военкоматты торып жүр. Ал енді сұрақ: военкомдар жұмыс емес уақытта адам аулауға көшкен бе? Ешкіммен соғысып жатқан жоқпыз, мән-жайды сұрап, тексеріп, ескертуге болмай ма? Әлде адам аулауға рұқсат берген бұйрық бар ма? Көрсетіңдерші! Кім қол қойғанын білгім келеді. Маған отан қорғау, пәлен-патыр деп пікір жазудың керегі жоқ. Әскерге барған баланың сау қайтуына алаңдайтын кезеңде өмір сүріп жатырмыз. Сосын әлгі анықтама базадан неге он күннен соң көрінеді?! Ақпараттық технология дамыған заманда мұны дым түсіне алмайды екем. Халима ТӘЖІҚҰЛ, журналист. Фото көрнекілік үшін.
Барлық жаңалықтар