+7 (777) 001 44 99
ПОДЕЛИТЬСЯ
Йемендік студент хостелде шыққан өрт туралы айтып берді, - деп хабарлайды Tengrinews.kz тілшісі.
Йемендік студент хостелде шыққан өрт туралы айтып берді, - деп хабарлайды Tengrinews.kz тілшісі.
Әл-Фараби атындағы ҚазҰУ медицина факультетінің студенті Ахмед Файиз Ахмед Аль-Гобэйдің айтуынша, бөлмелердің бірінде матрас өртенуі мүмкін.
"Таңғы сағат 5-те шу мен айғайды естідік. Кейбір мәліметтер бойынша, жертөледегі матрас өртенген. Бірақ оның қай жерде екенін білмеймін. Біз төлқұжаттарымыз бен күртелерімізді алып, далаға шықтық", - деді шетелдік студент.
Сондай-ақ, ол кейбірі қою түтіннен далаға шыға алмай қалғанын айтты.
"Бөлмеміз алдыңғы есіктің қасында болғандықтан, түтін болған кезде сыртқа шығып үлгердік. Алайда, алдыңғы есіктен ары тұрғандар – іште адасып қалды. Біреулер терезелерді ашып, сол арқылы сыртқа шықты", - деп бөлісті студент.
Сондай-ақ, студент "университет және жатақханамен келісім бойынша" осы хостелге орналастырылғанын айтты.
Еске салайық, бұған дейін 30 қарашада сағат 5:33-те Алматыдағы Әди Шәріпов көшесінде өрт шыққаны хабарланды. Алдын ала деректер бойынша, 13 адам қаза тапқан.
Алматыда өрт шыққан хостел бұрын қандай болған? Суреттер
Хостелде, алдын ала мәлімет бойынша, 72 адам болған, 59 адам эвакуацияланған. Өртті сөндіруге Алматы Төтенше жағдайлар департаментінің 46 адамы мен 13 техникасы жұмылдырылған.
Үкімет хостелдегі өртті тергеу бойынша комиссия құрды. Сондай-ақ, өрт дерегі бойынша қылымыстық іс қозғалғаны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
