Қазақстандық кәсіпқой боксшы Сұлтан Зауырбек (20-0, 13 КО) WBO рейтингінде бір саты жоғарылады, - деп хабарлайды Vesti.kz.
WBO (Дүниежүзілік бокс ұйымы) нұсқасы бойынша екінші жеңіл салмақтағы рейтингте ол 15-орыннан 14-орынға көтерілді. Бұл салмақта чемпиондық белбеу мексикалық Эмануэль Наваррете еншісінде.
Рейтингте үздік үштікке Чарли Суарес (Филиппин), Кеничи Огава (Жапония) және Марк Марсайо (Филиппин) енген.
Айта кетейік, Сұлтан Зауырбек 5 сәуір күні Астанада өткен бокс кешінде оңтүстік африкалық Азинга Фузилені (18-3, 12 КО) жеңіп, IBF Inter-Continental белдігін жеңіп алған болатын. Осы жеңіс оның халықаралық аренадағы рейтингтік көрсеткіштеріне оң әсерін тигізіп, чемпиондық жекпе-жекке бір қадам жақындатты.
Жарнама