Алматыда ер адамды ұрып-соғу дерегі видеоға түсіп қалған

Полиция заң бұзған адамды ұстады, сурет - Zakon.kz жаңалық 08.12.2023 17:46

Сурет: pixabay

Жетісу аудандық полициясының мәліметінше, оқиға түнгі сағат бірде Сейфуллин даңғылы мен Ақпаев көшесінің қиылысында болған.

Екі ер адам бейтаныс азаматты жанжалдасып қалғанының кесірінен ұрып-соққан.

"Жәбірленуші шұғыл түрде ауруханаға жатқызылды, оны басынан таспен ұрған. Шабуыл жасаушылардың жеке басы бірден анықталды. Олар ұсталып, ҚР ҚІЖК-нің 128-бабына сәйкес уақытша ұстау изоляторына қамалды. Аталған дерекке қатысты қылмыстық іс ҚР ҚК-нің 106-бабы 2-бөлігінде көзделген қылмыс белгілері бойынша тергеліп жатыр. Қылмыстық іс аясында сот-медициналық сараптама тағайындалды. Оқиғаның басқа да мән-жайы анықталып жатыр", – деді Жетісу аудандық полиция басқармасының бастығы Жәнібек Шынасылов.

ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.

Оқи отырыңыз