Астана. 19 сәуір. ҚазТАГ - «Бүркіт» мемлекеттік әуе компаниясының директоры міндетін Еркебулан Оспанов атқаруда, деп хабарлады ҚР президент істері басқармасының баспасөз қызметінен.
«Александр Викторович Дзюба «Бүркіт» мемлекеттік әуе компаниясының директоры лауазымынан босату туралы арыз түсіріп, өз еркімен жұмыстан кетті. Қазіргі уақытта оның міндетін директордың орынбасары – Еркебұлан Сансызбайұлы Оспанов атқаруда», - делінген хабарда.
Бос лауазымға ашық конкурс жарияланады, оған біліктілік талаптарына сай келетін кез келген адам қатыса алады.
Конкурс «Мемлекеттік кәсіпорынның басшысын тағайындау және аттестаттау, сондай-ақ оның кандидатурасын келісу қағидаларына» (Ұлттық экономика министрінің 02.02.2015 жылғы N 70 бұйрығы) сәйкес өткізіледі.
«Бүркіт» мемәуекомпаниясының басшысы ауысты
