Алматы.22 мамыр.ҚазТАГ- Алматыда тұрғын үй кешені ауласында көлік 7 жасар баланы қағып кетті, деді Алматы қалалық ПД баспасөз қызметі.
«20 мамырда сағат 18:30 шамасында "Алма Сити" шағынауданында Daewoo көлігінің жүргізушісі ауламен батыс бағытта келе жатып, 7 жастағы баланы қағып кеткен. Бала дене жарақаттарымен қалалық ауруханалардың біріне жеткізілген»,- делінген хабарламада.
Әлеуметтік желіде тараған бейнежазбаға қарағанда, жүргізуші алдымен жолдың қарсы бетінен жүгіріп шыққан баланы қағып, кейін ойын алаңына соғылған.
ЖКО дерегін Наурызбай аудандық Полиция басқармасының қызметкерлері тергеп жатыр.
Алматыда тұрғын үй кешені ауласында көлік 7 жасар баланы қағып кетті
