Астана.23 мамыр.ҚазТАГ- Президент Қасым-Жомарт Тоқаев Италия Премьер-министріне болған жойқын су тасқыны салдарынан адамдардың қаза табуына байланысты көңіл айтты, деп хабарлайды Ақорда.
«Мемлекет басшысы Италия Премьер-министрі Джорджа Мелонимен телефон арқылы сөйлесті. Президент Қасым-Жомарт Тоқаев, ең алдымен, Эмилия-Романья аймағында болған жойқын су тасқыны салдарынан адамдардың қаза табуына байланысты Премьер-министрге және барша Италия халқына көңіл айтты»,- делінген сейсенбі күнгі хабарламада.
Әңгімелесу барысында екі ел басшылары саяси, сауда-экономикалық, инвестициялық және гуманитарлық салалардағы ынтымақтастықты дамыту перспективаларын талқылады.
Былтыр екі елдің өзара тауар айналымы 15 миллиард долларға жуықтады. Елдеріміз экономиканың түрлі саласында тығыз қарым-қатынас жасап келеді. Қазақстанда Италияның 270-тен астам компаниясы табысты жұмыс істеп жатыр.
Сондай-ақ мемлекеттер басшылары энергетика, көлік, өнеркәсіп кооперациясы және ауыл шаруашылығы салаларындағы бірлескен жобаларды жүзеге асыру аясындағы ынтымақтастық перспективаларын қарастырды.
Тоқаев Италия Премьер-министріне болған жойқын су тасқыны салдарынан адамдардың қаза табуына байланысты көңіл айтты
