Шымкенттің су арнасы мемлекетке қайтарылады. Сот «Су ресурстары-Маркетинг» компаниясының су нысандарына қатысты келісімдерді жарамсыз деп танып, оларды мемлекет меншігіне өткізуді міндеттеді. Мұны қала әкімінің ресми өкілі Сәрсен Құранбек мәлім етті.
Шымкенттің су арнасы мемлекет меншігіне қайтарылады. Мұны қала әкімінің орынбасары Сәрсен Құранбек мәлімдеді. Сөзінше, бүгін сот әкімдіктің «Су ресурстары-Маркетинг» компаниясына тиесілі су жабдықтау және су бұру нысандары бойынша келісімшарттарды жарамсыз деп таныған.
Сәрсен Құранбек, Шымкент қаласы әкімінің орынбасары: «Бұл үлкен жеңіс. Үлкен жеңістің басы деп айтсақ болады. Мына соттың шешімі бойынша біз осы мелмекеттік меншікке толықтай қайтаратын боламыз. «Су маркетинг» ЖШС заңсыз жекешелендіріп алған обьектілердің барлығын».
Сот бірқатар сатып алу-сату келісімдерін жоюмен қатар, «Су ресурстары-Маркетинг» компаниясына нысандарды мемлекет меншігіне қайтару міндетін жүктеген көрінеді.
Сәрсен Құранбек, Шымкент қаласы әкімінің орынбасары: «Сот Ақбай-Қарасу, Бадам-Сайрам, Қызылсай және Тассай су жинау нысандарына қатысты хаттамаларды заңсыз деп таныды. Сонымен қатар, «Уникансервис» (тазарту құрылғыларының иесі) және «ТрансВиК» құрамына енген автокөлік цехына қатысты шешімдер де заңсыз деп танылды. Сондай-ақ, жоғарыда аталған нысандарға қатысты бірқатар ЖШС арасында жасалған сатып алу-сату келісімдері де жарамсыз деп шығарды».
Сәрсен Құранбектің айтуынша, «Су ресурстары-Маркетинг» қызметінде көптеген заңбұзушылықтар анықталған. Сот шешімі заңды күшіне енген соң,
нысандарға кешенді тексеру жүргізіліп, жаңғырту бағдарламасы әзірленеді. Сондай-ақ, тарифті төмендету бойынша жұмыстар қолға алынбақ.
Лаура Бабас
