Мыңдаған бала бір уақытта күй орындады

Алматыда мыңдаған бала Наурыз мерекесіне орай бір уақытта күй орындады, - деп хабарлайды Massaget.kz тілшісі.

Алматыда Наурыз мейрамын атап өту аясында ауқымды челлендж өтті. 20 наурызда сағат 11:00-де қаланың сегіз ауданында мыңдаған оқушы республикалық акцияға қатысып, күйлер орындады.

Ұлттық киім киген жас музыканттар "Адай", "Балбырауын" және "Ерке сылқым" күйлерін орындап, қала көшелерін күймен тербетті.

"Челлендждің басты мақсаты - өскелең ұрпақтың рухани-адамгершілік құндылықтарын қалыптастыру, ұлттық музыкалық мұраны сақтау және насихаттау", - деп жазылған хабарламада.

Суреттер: Алматы қаласы Білім басқармасы

Өзекті жаңалықтарды өз уақытында оқу үшін Facebook парақшамызға жазылыңыз!

Ж. Қадыржанова