Алматының "Қайрат" футзал клубы Чемпиондар лигасында "Төрттік финалға" жолдама алды, - деп хабарлайды msports.kz сайты.
Бірінші ойында Францияның "Этуаль" командасын 4:2 есебімен ұтты. Түнде Хорватияның "Олмиссум" клубынан 1:0 есебімен басым болды. Нәтижесінде екі матч қорытындысы бойынша-ақ бірінші орынға табан тіреді.
Топтағы үшінші ойынды Хорватияның "Динамосына" қарсы өткізеді. Бұл ойын нәтижесіне қарамастан-ақ топта бірінші орыннан төмендемейді.
Элиталық кезеңнің өзге үш тобында бірінші орын алған клубтар "Төрттік финалына" жолдама алып, қазақстандық командаға қарсылас атанады.
"Қайрат" 2012/13 және 2014/15 жылдары Чемпиондар лигасында жеңімпаз болды.
О. Сансызбай