Қала әкімдігі тұрғындар мен қонақтарды мерекелік іс-шаралар кезінде маршруттарын алдын ала жоспарлауға шақырды.
Алматы қаласында Наурыз мейрамы мен «Tynda Music» симфониялық концертіне байланысты 24 наурызға дейін кейбір көшелер уақытша жабылады. Бұл туралы Finratings.kz хабарлады.
Алатау ауданында өтетін мерекелік іс-шаралар аясында Универсиада көшесінің Момышұлы мен Доспанова көшелері аралығындағы бөлігіне 24 наурыз күні сағат 00:00-ге дейін қозғалыс уақытша тоқтатылады. Бұл шешім қала тұрғындары мен қонақтарының қауіпсіздігін қамтамасыз ету мақсатында қабылданды.
22 наурыз күні сағат 19:00-де «Алматы Аренада» өтетін ауқымды симфониялық концертке байланысты қала әкімдігі арнайы қосымша автотұрақ аймақтарын ұйымдастырды:
Қалалық қоғамдық көлік те Наурыз мейрамына орай ерекше безендірілді. 22 сәуірге дейін Алматы көшелерінде ұлттық нақыштағы 90 автобус пен 10 троллейбус қатынайды. Бұл көліктер қазақтың дәстүрі мен көктемгі жаңаруды бейнелейтін ою-өрнектермен әрленген.
Қала әкімдігі тұрғындар мен қонақтарды мерекелік іс-шаралар кезінде маршруттарын алдын ала жоспарлауға, қозғалысқа енгізілген уақытша өзгерістерді ескеруге және арнайы ұсынылған автотұрақтарды пайдалануға шақырады.
