Футбол жанкүйерлерінің назары Франция мен Хорватия құрамалары арасындағы Ұлттар лигасының ширек финалдық ойынына ауған еді. Матч барысында мадридтік "Реалдың" қос жұлдызы — Килиан Мбаппе мен Лука Модрич арасында шиеленісті сәт болды.
Ойын барысында Франция шабуылшысы Мбаппе Хорватияның айып алаңында құлап, пенальти талап етті. Алайда төреші бұл эпизодта ереже бұзушылықты байқамады. Осы сәттен кейін Лука Модрич қатты ашуланып, Килианға айқайлап жіберді. Капитанның эмоциясын жасыра алмауы әлеуметтік желілерде қызу талқыланып жатыр.
Француздар бұл ойында фаворит саналса да, Хорватияда өткен кездесуде 0:2 есебімен жеңіліп қалды. Голдар бірінші таймда соғылды:
Ал 5-минутта Крамарич Конатенің қол ойыны үшін белгіленген пенальтиді голға айналдыра алмады. Бұл есеп тіпті ірі болуы мүмкін еді.
Енді қос команда арасындағы қарымта матч Францияда, 23 наурыздан 24 наурызға қараған түні өтеді. Бұл кездесу тартысты өтеді деп күтілуде, себебі хорваттар өз алаңында мықты ойын көрсетіп, айқын басымдықпен алға шықты.
