Қазақстан құрамасына қайта шақырту алған жартылай қорғаушы Георгий Жуков жанкүйерлерден үш жыл бұрынғы жағдай үшін кешірім сұрады.
Жуков Қытай чемпионатында өнер көрсетіп жүрген кезінде ұлттық құрамаға келуден бас тартқан болатын. Ол кезде Қытайда қатаң карантин енгізілген еді. Бірақ бұл шешім сол уақыттағы бас бапкер Магомед Адиев пен жанкүйерлер тарапынан жағымсыз қабылданған. Жағдайға байланысты Жуков енді барша жанкүйерлерден ашық түрде кешірім сұрады.
“Құжаттар бойынша еш қиындық болған жоқ. Ұлттық құрамаға шақыртуды ұзақ күттім. Мен ешқашан ел намысын қорғаудан бас тартамын деген емеспін. Қытайда болған карантин — менің кінәм емес. Құрамаға тек еңбекпен жету керек. Осы орайда бас бапкерге алғысымды білдіремін — маған екінші мүмкіндік бергені үшін. Егер бұған дейін айтқан сөздерім біреуді ренжітсе, шын жүректен кешірім сұраймын”, — деді Жуков матч алдындағы сұхбатында.
