Қазақ боксшысы Дәулет Төлемісов Нидерландының Эйндховен қаласындағы халықаралық турнирдің жеңімпазы атанды.
Төлемісов 85 келіге дейінгі салмақ дәрежесіндегі финалдық жекпе-жекте украиналық Николай Лактионовпен кездесті. Кездесу барысында қазақстандық боксшы толық басымдық көрсетіп, екінші раундта қарсыласын нокдаунға түсірді.
Жекпе-жек соңында төрешілер бірауыздан шешім шығарып, 5:0 есебімен жеңісті Дәулетке берді. Бұл оның абсолютті үстемдігін айқын көрсетті.
Осылайша Дәулет Төлемісов Eindhoven Box Cup турнирінің чемпионы атанды. Николай Лактионов күміс жүлде иеленді. Айта кетейік, сәуір айында Төлемісов Бразилияның Фос-ду-Игуасу қаласында өткен World Boxing ұйымының әлем кубогы кезеңінде де алтын медаль жеңіп алған.
