Жетісу облысында полиция қызметкерлері — майор Арнұр Алханов пен аға лейтенант Шыңғыс Әсілбеков қызмет бабында жол апатына ұшырап, қайғылы жағдайда көз жұмды, деп хабарлайды Qaz365.kz.
Бұл туралы Ішкі істер министрлігі мәлім етті.
Министрліктің мәліметінше, қайғылы оқиға олар қызмет атқарып жүрген сәтте орын алған. Қазір жол-көлік оқиғасының нақты мән-жайы анықталып жатыр.
Ішкі істер министрі Ержан Сәденов марқұмдардың отбасылары мен әріптестеріне көңіл айтты:
Олардың есімі жадымызда мәңгі сақталады. Министрлік тарапынан отбасыларына қажетті көмектің барлығы көрсетіледі, — деді министр.
Ресми ақпаратқа сәйкес, қаза тапқан қызметкерлердің жақындарына материалдық көмек көрсетіледі.
