Әлем кубогы: Қазақстандыө екі боксшы жарысты жалғастырады

Астанада өтетін World Boxing аясындағы әлем кубогында бүгін, 30 маусымда ел құрамасынан Әнел Сақыш (54 келі) жарысты жалғастырады.

Алғашқы жекпе-жегінде ол германиялық Татьяна Обермайермен 3 рет нокдаунға түсіріп, айқын басымдықпен жеңді.

Оның келесі қарсыласы өзбек қызы 2024 жылы Азия чемпионы Феруза Казакова.

Алғашқы жекпе-жегінде Назым Қызайбай (48 келі) канадалық Приянка Диллонды айқын басымдықпен ұтты. Осылайша келесі кезеңге жолдама алды. Алдағы қарсыласы - өзбекстандық, Азия ойындарының чемпионы Фарзона Файзолова.

Енді сегізінші жұпта ерлерде Абылайхан Жүсіпов (70 келі) 1/8 финалда қырғызстандық Алмаз Орозбековпен кездеседі.

Ал 19:00-де басталатын кешкі сессияда қазақстандық екі боксшы шаршы алаңға шығады.

Үшінші жұпта әйелдерде Виктория Графеева (60 келі) 1/8 финалда жапониялық Аяка Тагути, бесінші жұпта Наталья Богданова (70 келі) индонезиялық Санамача Чану Токчоммен сынға түседі.

Біздің серіктес: 200 000 фрибетті ұтысқа саламыз – арнаға жазыл және батырманы бас