Назым Қызайбай мансабындағы ең ерекше әлем чемпионатын атады

Бокстан Сербияда өткен әйелдер арасындағы жаһандық додада тарихи 3 дүркін чемпион атанған Назым Қызайбай «Спорт министрі» арнасына берген сұхбатында ойымен бөлісті.

• Ең алғашқы әлем чемпионатыма 2012 жылы қатысып, қола жүлде жеңіп алдым. Ертеңіне жүгіріп, дайындалып жүргенімде Таиландтың шымыр қыздарын байқап, бірінші әлем чемпионатында қола жүлде алсам, онда неге алтын ала алмасқа деген ой келді. Бұл мақсатым 2014 жылы орындалды. Ал 2016 жылы Астана төрінде әнұран шырқалған сәт әлі ерекше жадымда сақталыпты. Жалпы қандай жарыс болмасын, барымызды салып, дайындаламыз. 2022, 2023 жылдары өткен әлем чемпионатында финалистерге жеңіліп, жүлдеге іліге алмадым. Енді үш дүркін чемпион атандым. Әрқайсысының өзіндік орны бар.