03.04.2025
Дмитрий Бивол: Анам Шымкентте дүниеге келген
Азамат Бақи
Фото: ESPN
Жартылай ауыр салмақтағы абсолютті әлем чемпионы, Ресейдің намысын қорғайтын қырғыз боксшысы Дмитрий Бивол (24-1, 12 КО) анасының Шымкент қаласының тумасы екенін растады.
— Менің анам Шымкентте дүниеге келген, бірақ Ресейдің Бологое қаласына оқуға түсті. Ал әкем – Молдова тумасы. Олардың жолы Бологоедегі оқу орнында тоғысты. Кейін Қырғызстанға қоныс аударып, сол жақта тұрақтады. Кеңес Одағы кезінде мұндай көші-қон оңай болатын, өйткені бәрі бір мемлекеттің ішінде еді, — деді Бивол.
Айта кетейік, Дмитрий Бивол қазір WBA, WBC, WBO, IBF және IBO нұсқалары бойынша жартылай ауыр салмақтағы әлем чемпионы саналады.
