19.06.2025
Бүгін футболдан Бірінші лигада 10-тур ойындары басталады
Фото: Футболдан Қазақстан кәсіби лигасы
Бүгін, 19 мамырда футболдан Бірінші лига командалары арасындағы Қазақстан чемпионатының 10-тур ойындары басталады, деп хабарлайды Sport12.kz.
Аталған тур ойындары 19-20 маусым күндеріне белгіленген.
Бүгін, 19 маусымда «Академия Оңтүстік» (Шымкент) пен «Қайрат-2» (Алматы), «Түркістан» мен «Ертіс» (Павлодар), «SD Family» (Астана) мен «Хан тәңірі» (Алматы) ойнайды.
Ал 20 маусымда «Алтай» (Өскемен) мен AKAS (Алматы), «Жетісай» (Түркістан облысы) мен «Шахтер» (Қарағанды), «Каспий» (Ақтау) мен «Екібастұз» (Павлодар облысы), «Тараз» бен «Ақтөбе-2» жасыл алаңға шығады.
Турнир кестесінде алғашқы екі орынға ие болған командалар алдағы жылы Премьер-лигаға қатысуға тікелей жолдамаға қол жеткізеді.
Биыл «Шахтер», «Ертіс», «Каспий» командалары үздіктер қатарында болады деп болжанып отыр.
Тоғыз турдан кейін «Каспий», «Шахтер», «Алтай» командалары алғашқы орындарды өзара бөлісіп тұр.
