Абдукодир Хусанов сүйіктісіне үйлену туралы ұсыныс жасады

Өзбекстан ұлттық құрамасының және «Манчестер Сити» клубының қорғаушысы Абдукодир Хусанов сүйіктісіне үйлену туралы ұсыныс жасап, оң жауап алды.

21 жастағы футболшы қалыңдығына сезімін білдіріп, оған сақина салды. Қазіргі таңда болашақ жары жайлы мәліметтер жарияланбаған. Дегенмен, олардың үйлену тойы АПЛ маусымы аяқталысымен, шамамен 27 мамырда өтеді деп жоспарлануда.

Жергілікті БАҚ пен жанкүйерлер бұл ерекше күнге футбол әлемінің жұлдыздары қатысады деп күтіп отыр. Олардың қатарында «Манчестер Ситидің» бас бапкері Хосеп Гвардиола, сондай-ақ команда көшбасшылары Эрлинг Холанд, Кевин де Брюйне және Джек Грилиш болуы мүмкін.

Еске салсақ, манчестерлік клуб өзбекстандық қорғаушыны Францияның «Ланс» командасынан 40 миллион еуроға сатып алған болатын. Ол «Манчестер Ситимен» 2029 жылдың соңына дейін жарамды келісімшартқа қол қойды.