«Қайратқа» биыл қала бюджетінен 720 млн теңге бөлінген

Алматылық «Қайрат» клубына биыл қала бюджетінен 720 млн теңге бөлінген. Бұл жөнінде «Дядя Ваня» телеграмм арнасы мәлім етті.

Оған байланысты телеграм арнасы adata.kz сайтына слтеме жасаған. Онда Алматы қалалық спорт басқармасы қаржыландыратын бағыттар тізімі көрсетілген. Оның ішінде үлкен көлемде ақша берілетін жоба ретінде «Қайрат» футбол клубы енгізілген.

Ресми құжат бойынша бюджет бөлінген қаржы балалар, жасөспірімдер, жастар және кәсіпқой футбол командалардың Қазақстан чемпионаттарына қатысуына жұмсалмақ.

«Қайрат» командасына 2012 жылдан бері белгілі кәсіпкер Қайрат Боранбаев қаржылай қолдау көрсетіліп келеді. Содан бері команда 2020, 2024 жылдары Қазақстан чемпионы атағын жеңіп алды.