Артем Дзюба: Қазақстанда мансабымды аяқтайтын секілдімін

Ресей құрамасының тарихындағы үздік сұрмерген, қазіргі таңда Тольяттидің «Акрон» клубында өнер көрсететін Артём Дзюба неге қазақстандық «Қайратқа» ауысуға дайын емес екенін түсіндірді, деп хабарлайды Sport12.kz

«Мен Чемпиондар лигасы үшін „Қайратқа“ баруға дайын болар едім. Бірақ маған ол жақтағы чемпионаттың жасанды алаңдарда өтетінін, сондай-ақ кейбір қалалардың деңгейін айтып берді… Ойлаймын, енді шамам жетпейді (күледі). Бір-екі жасанды алаңда ойнасам, сол жерде-ақ мансабымды аяқтайтын сияқтымын», — деді Дзюба «Чемпионат» тілшісі Илья Никульниковқа берген сұхбатында.

Айта кетейік, Дзюба жазғы трансферлік кезеңде еркін агент ретінде «Акронға» қосылды. Тольятти клубымен жасаған келісімшарты маусым соңына дейін есептелген. Бұған дейін БАҚ-та қазақстандық «Қайраттың» Дзюбаны өз құрамына қосуды көздеп отырғаны туралы ақпарат тараған еді.