ӘЧ-2026: Қазақстан құрамасы Кардифф қаласына жетті

Қазақстан ұлттық футбол құрамасы 2026 жылғы әлем чемпионатының іріктеу турнирі аясында Уэльс құрамасына қарсы матч өткізетін Кардифф қаласына ұшып келді.

Қазақстан футбол федерациясының (ҚФФ) Instagram парақшасында ұлттық құраманың қарсылас аумағына келген сәті жарияланды.

Уэльс пен Қазақстан арасындағы матч 22-23 наурызға қараған түні Астана уақыты бойынша 00:45-те басталады. Алдағы кездесу Қазақстан құрамасы үшін жергілікті маман Әли Әлиевтің басшылығындағы алғашқы ойын болмақ. Ол бұл қызметке ресейлік Станислав Черчесов отставкаға кеткеннен кейін тағайындалған.

Еске сала кетсек, 2026 жылғы әлем чемпионатының іріктеу кезеңінде Қазақстан J тобында Уэльспен қатар Бельгия, Солтүстік Македония және Лихтенштейн құрамаларымен кездеседі.