Уэльс - Қазақстан ойынын қайдан көруге болады?

22-нен 23-наурызға қараған түні Қазақстан құрамасы қонақта 2026 жылғы әлем чемпионатының іріктеу турнирі аясында Уэльс командасымен кездеседі, деп хабарлайды Sport12.kz.

Матч Кардиффте (Уэльс) өтеді және Қазақстан уақыты бойынша 00:45-те басталады. "Qazsport" телеарнасы кездесудің тікелей трансляциясын ұйымдастырады.

Жаңа іріктеу циклі басталар алдында Қазақстан құрамасы бас бапкер Әли Әлиевтің жетекшілігімен үш жолдастық матч өткізді. Ақпанда Өзбекстанның "Локомотивімен" (1:1) тең түсіп, Солтүстік Корея құрамасына (0:2) есе жіберді. Ал 19 наурызда Кюрасао құрамасын (2:0) жеңді.

Уэльс құрамасы үшін бұл матч былтырғы қарашадан кейінгі алғашқы ойын болмақ. Сол уақытта команда Ұлттар лигасындағы өнерін аяқтаған еді. Дегенмен, Уэльс құрамасы қатарынан алты матчта жеңілмеген – үш жеңіс және үш тең нәтиже.