Станислав Черчесов: Қазақстан құрамасына сәттілік тілеймін

Футболдан Қазақстан құрамасының бұрынғы бапкері Станислав Черчесов әлеуметтік желі арқылы ел құрамасының алдағы әлем чемпионатына іріктеу кезеңіндегі ойындарына сәттілік тіледі.

— Қазақстан құрамасына 2026 жылғы Әлем чемпионатындағы Уэльс пен Лихтенштейнға қарсы іріктеу матчтарында сәттілік тілеймін! Өткен жылғы тәжірибелеріміз бен жаңа жаттықтырушылар штабының көзқарасы Қазақстан құрамасына алдағы ойындарда сәтті өнер көрсетуіне көмектеседі деп үміттенемін! Сонымен қатар, осы мүмкіндікті пайдаланып, қазақстандық футбол жанкүйерлерін Наурыз мейрамымен және көктемнің келуімен құттықтаймын! Барлықтарыңызға қуаныш пен өміріңізде жарқын оқиғалар тілеймін,— деп жазды Станислав Черчесов Instagram парақшасында.

Айта кетейік, Қазақстан мен Уэльс арасындағы ойын 22 наурыздан 23 наурызға қараған түні сағат 00:45-ке жоспарланған. Аталған кездесуді Qazsport телеарнасынан тікелей эфирде тамашалай аласыздар.