ӘЧ-2026: Қазақстан құрамасы іріктеу турнирін жеңіліспен бастады

Футболдан Қазақстан ұлттық құрамасы 2026 жылы өтетін Әлем чемпионатының іріктеу турнирін сәтсіз бастады.

Кардиффтегі «Миллениум» стадионында өткен матчта Әли Әлиев шәкірттері алаң иелеріне 1:3 есебімен есе жіберді.

ӘЧ-2026 іріктеу кезеңі, J тобы, 1-тур

Уэльс – Қазақстан – 3:1

Гол авторлары: 9' Дэниел Джеймс (1:0), 32' Асхат Тағыберген (пен., 1:1), 47' Бен Дэвис (2:1), 90+1' Рабби Матондо (3:1).

Матч барысы

Кездесу қарқынды басталып, алаң иелері жылдам голмен есеп ашты. 9-минутта Дэниел Джеймс оң қапталдан шабуыл ұйымдастырып, Қазақстан қақпашысы Александр Заруцкийді қапы қалдырды. Алайда бірінші таймның ортасына қарай Қазақстан құрамасы таразы басын теңестірді. 32-минутта команда капитаны Асхат Тағыберген 11 метрлік айып добын сәтті орындап, есепті 1:1-ге жеткізді.

Екінші тайм басталысымен Уэльс есепте алға шықты. 47-минутта тәжірибелі қорғаушы Бен Дэвис қақпаны дәл көздеді. Қазақстан құрамасы есепті теңестіруге тырысқанымен, матч соңында тағы бір гол жіберіп алды. 90+1-минутта Рабби Матондо кездесудің ақырғы нүктесін қойды.

Қазақстан құрамасы келесі кездесуін сырт алаңда Лихтенштейнге қарсы өткізеді. Бұл матч 26 наурызға жоспарланған.

J тобындағы алғашқы тур қорытындысы.

• Солтүстік Македония 3:0 есебімен Лихтенштейнді жеңіп, көш басына шықты.
• Уэльс 3 ұпаймен екінші орында.
• Бельгия құрамасы іріктеу кезеңін маусым айында бастайды.