Криштиану Роналду неге тойын жасамайды?

«Алтын доптың» бес дүркін иегері Криштиану Роналду сүйіктісі Джорджина Родригеспен некелесуге дайын екенін айтты. Бұл туралы ол Netflix түсірген «Мен – Джорджина» атты деректі жобада бөлісті.

Криштиану мен Джорджина 2016 жылдан бері бірге тұрады. Қазір олардың екі қызы бар – Алана (7 жаста) және Белла (2 жаста). Сондай-ақ Джорджина Роналдудың үш баласын тәрбиелеуге атсалысып жүр.

«Мен оған үнемі айтам: бәрі орнына келіп, жүректе бір “шертпе” сезілетін сәт туады. Ол сол сәттің қашан келетінін жақсы түсінеді», – дейді футболшы.

Роналдудың айтуынша, бұл бір айдан кейін де, жарты жылдан соң да, тіпті бір жылдан кейін де болуы мүмкін. Бірақ ол үйлену тойы міндетті түрде өтетініне сенімді.