23.03.2025
Александр Марочкин ұлттық құрамадағы мерейтойлы матчын өткізді
Азамат Бақи
Фото: Қазақстан футбол федерациясы
«Астана» футбол клубының 34 жастағы қорғаушысы Александр Марочкин Уэльске қарсы өткен ойында (1:3) Қазақстан құрамасы сапындағы 50-ші матчында алаңға шықты.
Марочкин ұлттық құрамадағы тырнақалды кездесуін 2019 жылдың 8 маусымында Еуропа чемпионатының іріктеу кезеңі аясында Бельгияға қарсы (0:3) өткізген. Ол бұл ойында бастапқы минуттан алаңға шығып, толық матчты ойнап берді.
Осылайша, Марочкин Қазақстан құрамасы сапында 50 матч өткізген 12-ші ойыншы атанды. Қазіргі құрамда бұл межені бағындырған екі футболшы бар: Асхат Тағыберген (61 матч) және Ян Вороговский (51 матч).
