24.03.2025
Криштиану Роналду құрама сапында рекорд орнатты

Фото: championat.com
Португалиялық футболшы Криштиану Роналду құрама сапында рекорд орнатты.
Шабуылшы Ұлттар лигасы аясында Дания қақпасынан саңылау тапты. Осылайша португалиялық футболшылар қарсыласын 5:2 есебімен тізе бүктірді.
Нәтижесінде Роналду 22 жыл қатарынан құрама сапында гол соққан тарихтағы бірінші ойыншы атанды.40 жастағы ойыншы жалпы мансабында 929 гол соқты. Оның 136-сы құрама сапында тіркелді.
Португалия құрамасы алдағы маусымда Ұлттар лигасында жартылай финалға жолдама алды.
А лигасының жартылай финалы 4 және 5 маусымға белгіленсе, 8 маусымда финал болады.
