Қазақстан-Лихтенштейн: Бүгін баспасөз мәслихаты өтеді

Футболдан Қазақстан құрамасы 2026 жылғы әлем чемпионаты іріктеу кезеңіндегі екінші ойыны Лихтенштейнге қарсы кездесу алдында бүгін, 24 наурызда баспасөз мәслихатын өткізеді.

Баспасөз мәслихаты қазақстандық уақытпен 23:00-ге жоспарланған.

Қазақстан футбол федерациясының баспасөз қызметінің маманы Сейіл Қожатайдың айтуынша, алдағы кездесуде құрама сапында бірқатар өзгерістер болуы мүмкін.

Кездесу наурыздың 25-нен 26-на қараған түні сағат 00:45-те басталып, «Qazsport» телеарнасынан тікелей эфирде көрсетіледі.

Бұл ойында Джон Битон бастаған шотландиялық төрешілер қызмет атқарады. Оған отандастары Дэниел Макфарлейн мен Дэвид Макгичи көмек береді. Қосалқы төреші де сол елдің өкілі — Дэвид Дикинсон.