Қазақстан-Лихтенштейн: Баспасөз мәслихатына кімдер қатысады?

Футболдан Қазақстан құрамасы 2026 жылғы әлем чемпионаты іріктеу кезеңіндегі Лихтенштейнге қарсы ойыны алдында бүгін баспасөз мәслихатын өткізеді.

Баспасөз мәслихаты қазақстандық уақытпен 23:00-ге жоспарланған. Оған ұлттық құрама бас бапкерінң міндетін атқарушы Әли Әлиев, жартылай қорғаушы Георгий Жуков пен қорғаушы Әділбек Жұмаханов қатысады деп жоспарланып отыр.

Кездесу наурыздың 25-нен 26-на қараған түні сағат 00:45-те басталып, «Qazsport» телеарнасынан тікелей эфирде көрсетіледі.

Бұл ойында Джон Битон бастаған шотландиялық төрешілер қызмет атқарады. Оған отандастары Дэниел Макфарлейн мен Дэвид Макгичи көмек береді. Қосалқы төреші де сол елдің өкілі — Дэвид Дикинсон.