Лионель Месси «Барселонаға» қашан оралады?

«Барселона» «Интер Майами» сапында өнер көрсететін Лионель Мессиді қайтару мүмкіндігін байыпты қарастырып жатыр, деп хабарлайды Sport12.kz

Fr.sports.yahoo.com мәліметінше, клуб аргентиналық жұлдызды 2026/27 маусымы алдында кайтаруды жоспарлап отыр. Алайда бұл келісімге кедергі келтіруі мүмкін бірнеше маңызды фактор бар.

Ең басты қиындық – «Барселонаның» тұрақсыз қаржылық жағдайы. Дәл осы себеппен бұған дейін Месси клубтан кетуге мәжбүр болған еді. Сонымен қатар, оның оралуы футболшының физикалық дайындығына, Еуропада қайта ойнауға деген ниетіне және америкалық клубпен жасалған келісімшарттың шарттарына байланысты болады.

Мессидің өзі «Барселонаға» деген сүйіспеншілігін бірнеше рет атап өткен және оралу мүмкіндігін жоққа шығармаған. Жанкүйерлер бұл жағдайды жіті бақылауда, себебі бұл трансфер жүзеге асса, ол футбол тарихындағы ең үлкен жаңалықтардың бірі болары сөзсіз.

Айта кетейік, Месси «Барселона» сапында 17 жыл ойнап, 778 матчқа қатысты, 672 гол соқты және 35 трофей жеңіп алды, олардың қатарында төрт Чемпиондар лигасы мен он Ла Лига титулы бар. 2021 жылы ол қаржылық қиындықтарға байланысты клубтан кетіп, ПСЖ-ға қосылған еді.