Александр Марочкин ұлттық құрамадағы мансабын аяқтады

Қазақстан ұлттық құрамасының қорғаушысы Александр Марочкин халықаралық футболдағы мансабын аяқтағанын мәлімдеді.

— Құрама сапындағы соңғы ойынымда гол соққаныма қуаныштымын. Осындай нотада ұлттық құрамадағы мансабымды аяқтау — мен үшін үлкен мәртебе. Бізді өкшелеп келе жатқан Әлібек Қасым, Әділбек Жұмаханов сынды жастарға мүмкіндік беруіміз керек. Олар өздерін дәлелдейтін уақыт келді деп есептеймін, — деді Марочкин.

Александр Марочкин ұлттық құрама намысын 2019 жылдан бері қорғап келеді. Осы уақыт ішінде ол 51 матч өткізіп, 1 голдың авторы атанды.

Айта кетейік, Қазақстан құрамасы кеше Лихтенштейнді 2:0 есебімен жеңді. Бұл кездесуде жеңіс голын дәл осы Марочкин соқты.