Марадона өлімі: Сот отырысында маңызды шындықтың беті ашылды

Қайтыс болған сәттегі Диего Марадонаның ағзасынан алкоголь мен есірткі іздері табылмады.

Аргентинада Диего Марадонаның өліміне қатысты сот процесі жалғасуда. Іс барысында түрлі деректер жария етіліп, кейбірі жұртшылықтың ерекше қызығушылығын тудыруда.

Жақында белгілі болғандай, аты аңызға айналған футболшының өлім сәтінде оның ағзасында алкоголь немесе есірткінің іздері табылмаған. Бұл туралы биохимик әрі сарапшы Эзекьель Вентоси мәлімдеді. Қазіргі таңда сот Марадонаның өмірін сақтап қалуға мүмкіндік болған-болмағанын анықтау үшін істің әрбір егжей-тегжейін мұқият қарастыруда.

Айта кетейік, Диего Марадона 2020 жылғы 25 қарашада жарық дүниемен қош айтысты.

Біз осыған дейін Марадонаның қазасына байланысты медициналық қызметкерлерге қатысты сот басталғанын жазған болатынбыз.