03.04.2025
Карло Анчелотти темір торға қамалуы мүмкін
Азамат Бақи
Фото: Relevo
«Реал Мадрид» клубының бас бапкері Карло Анчелоттидің сот процесі жалғасуда.
Прокуратура италиялық маманға 2014-2015 жылдары 1 миллион еуродан астам салықтан жалтарды деген айып тағып отыр. Сонымен қатар, Анчелоттиден 3 186 237 еуро көлемінде айыппұл төлеуін талап етеді.
Егер қылмыстық іс расталса, айыпталушы Анчелотти 4 жыл 9 айға бас бостандығынан айырылуы мүмкін.
Соттың соңғы үкімі бүгін, бейсенбі күні белгілі болады деп күтілуде.
