04.04.2025
Еркебұлан Сейдахмет әке атанды
Азамат Бақи
Фото: «Ақтөбе» ФК
«Ақтөбе» футбол клубының жартылай қорғаушысы Еркебұлан Сейдахмет ұлды болды.
Қуанышты жаңалықты ақтөбелік клубтың баспасөз қызметі хабарлады.
– Бүгін «Ақтөбе» футбол клубының жартылай қорғаушысы Еркебұлан Сейдахмет әке атанды. Сейдахметтер отбасында атқамінер ұл дүниеге келді. Біз Еркебұланды жаңа дәрежесімен құттықтап, сәби мен анасына мықты денсаулық тілейміз! Сәбидің бауы берік болсын, — делінген мәлімдемеде.
Айта кетейік, Сейдахмет танымал актриса Нұрсұлу Ізбасаровамен отау құрған.
Еркебұлан осы жылдың басында «Ақтөбе» ойыншысы атанды. Осы аралықта 25 жастағы жартылай қорғаушы «қызыл-ақ» жейдеде 4 матч өткізіп, 1 гол соғып 1 нәтижелі пас берді.
