ҚПЛ: «Ақтөбе» «Қайсарды» ірі есеппен жеңді

Футболдан Премьер-лига командалары арасындағы Қазақстан чемпионатының төртінші турында «Ақтөбе» қызылордалық «Қайсарды» сенімді түрде жеңді. 

Кездесу барысында ақтөбелік клубтан Бағдат Қайыров 14 Дархан Бердібек 43, Идрис Умаев 55, Оралхан Өміртаев 75-минутта гол соқса, оған қызылордалық командадан Айбар Жақсылықов 89-минутта бір голмен жауап қайырды.

Осылайша «Ақтөбе» қарсыласынан 4:1 есебімен басым түсіп, турнир кестесінде екінші орынға көтерілді.

Сондай-ақ бүгін «Қайрат» «Атырауды» 4:1 есебімен жеңді. 

Ал 5 сәуірде «Астана» «Ордабасыны» 2:1, «Тұран» «Қызылжарды» 3:2, «Тобыл» «Оқжетпесті» 1:0 есебімен тізе бүктірсе, талдықорғандық «Жетісу» мен астаналық «Жеңіс» 0:0 есебіне қанағат білдірді.

Дәл қазір «Елімай» (Семей) мен «Ұлытау» (Жезқазған) кездесуінің бірінші кезеңі аяқталды. Әзірге семейлік клуб 1:0 есебімен алда келеді.