АПЛ: «Ливерпуль» сенсациялық жеңіліске ұшырады

«Ливерпуль» ағылшын Премьер-Лигасының 31-турында «Фулхэмге» қонақта сенсациялық түрде есе жіберді, деп хабарлайды Sport12.kz.

Ойынның алғашқы бөлігінде мерсисайдтықтар сапынан Алексис МакАллистер 14-минутта есеп ашып, «Ливерпульді» алға шығарды. Алайда одан кейінгі 14 минут ішінде алаң иелері үш бірдей гол соғып, матчтың тағдырын өзгертіп жіберді. Гол авторлары: Райан Сессеньон (23-мин), Алекс Ивоби (32-мин) және Родриго Мунис (37-мин).

Екінші таймда «Ливерпуль» есепті қысқартуға тырысты. 72-минутта Луис Диас гол соққанымен, қалған уақытта Арне Слот шәкірттері таразы басын теңестіре алмады.

Осы нәтижеге қарамастан, «Ливерпуль» 73 ұпаймен турнирлік кестеде көшбасшы орнын сақтап қалды. Ал 48 ұпай жинаған «Фулхэм» сегізінші орынға көтерілді.