Қарағанды қаласындағы «Шахтер» стадионы қайта жөндеуден өтеді

Қарағанды қаласындағы «Шахтер» стадионы қайта жөндеуден өтеді, деп хабарлайды деп хабарлайды Sport12kz.

Аталған жобаны іске асыруға 2 млрд теңгеге жуық қаржы қаралған. Жұмыс барысында жасанды жабыны бар алаңды және қазандық құрылғысын демонтаждау атқарылады. Сондай-ақ жөндеу жұмыстары шеңберінде қолданыстағы жабынды алып тастау және тереңдігі 40-50 см жер қазу көзделген. Алаңның барлық бөлігінде жоғары төзімді полиэтилен құбырларынан жылыту жүйесі монтаждалады. Құм мен қиыршықтастан жасалған алаңның негізі орнатылады.

«Шахтер» футбол стадионы 1958 жылы бұрыңғы «Динамо» стадионының орнында салынған. Бастапқыда ол 10 000 көрерменге арналған және 2,6 га аумақта орналасқан. 

Алпысыншы жылдары стадионда алғашқы жөндеу жүргізіліп, көрермендер орны 28 мыңға жетті. Жасанды жарықтандыру орнатылды. 2002 жылы «Шахтер» стадионында кең ауқымды қайта жаңарту жүргізілді.