Футзалдан Қазақстан құрамасы әлем чемпионатына дайындықты бастады

Футзалдан Қазақстан құрамасы қыркүйек айында өтетін әлем чемпионатына дайындықты бастады, деп хабарлайды Sport12kz.

Оқу-жаттығу жиыны 5 тамыз күні Алматы қаласында басталады. Оқу-жаттығу жиыны 5 тамыз күні Алматы қаласында басталады. Футболшыларды бабына келтіру процесін қамтитын бірінші кезең 18 тамызға дейін жалғасады..

Артынша команда 5 қыркүйекке дейін Астанада жаттығады. Екінші ОЖЖ барысында Қазақстан құрамасы Тәжікстанмен 22 және 24 тамыз күндері «Сайран Аренада» ойнайды.

Сосын Қазақстан құрамасының Иранға қарсы екі жолдастық матчы жоспарланған. Ойындар 30 тамыз және 1 қыркүйек күндері Жақсылық Үшкемпіров атындағы жекпе-жек сарайында өтеді.

Жиынның қорытынды кезеңі Алматыда 6-10 қыркүйек аралығында өтеді. 7 қыркүйек күні Қазақстан құрамасы Аргентинамен кездеседі. Матч «Алматы Арена» спорт кешенінде өтеді.