06.10.2024
Бразилия -футзалдан 2024 жылғы әлем чемпионы
Фото: YouTube
Бразилия құрамасы футзалдан 2024 жылғы әлем чемпионы атанды. Олар бүгін финалда Аргентинадан басым түсті.
Кездесу барысында бразилиялық құрама алдымен екі гол соғып кетті. Олардың қатарынан Феррао 6, Рафа 13-минутта мергендік танытты.
Ал 39-минутта аргентиналық Матиас Роза есеп айырмасын қысқартты. Дегенмен таразы басын теңестіруге мүмкіндігі болған жоқ.
Осылайша Бразилия қарсыласынан 2:1 есебімен басым түсіп, алты дүркін әлем чемпионы атағын жеңіп алды. Олар бұған дейін 1989, 1992, 1996, 2008, 2012 жеңіс тұғырына көтерілген еді.
