07.03.2025
Әбиба Әбужақынова 2025 жылды жеңіспен бастады
Қанат Байұзақов
27 жастағы отандық дзюдошымыз Аустрияда өтіп жатқан әлемдік Гран-при жарысында топ жарды. Ол финалда 19 жастағы жапониялық Мизуки Харададан басым түсті.
Әбиба бұған дейін 2024 жылы Париж Олимпиадасында 5-орын алып, одан кейін біршама үзіліс алған болатын.
Айта кетсек, бүгін Аустрияда дзюдодан әлемдік Гран-при кезеңі басталды. Аталған жарыста әлемнің 52 елінен барлығы 416 татами шебері қатысып жатыр.
