«Астана» баскетбол клубы бас директорсыз қалды

«Астана» баскетбол клубының бас директоры Самсон Аракелян қызметінен кетті.

Бұл туралы ол өзінің әлеуметтік желісінде мәлімдеді.

— Өз ұстанымыма қайшы келетін жағдайларға байланысты «Астана» баскетбол клубынан кету туралы шешім қабылдадым. Командада өткізген 2,5 жыл үшін Жаратқанға алғыс білдіремін. Біз атқарған еңбек Қазақстан баскетболының дамуына оң әсерін тигізді деген сенімдемін. Осы жолда жанымнан табылған әрбір адамға шын жүректен рақмет,— деді Самсон Instagram әлеуметтік желісіндегі парақшасында.

Еске салсақ, Самсон Аракелян «Астана» баскетбол клубының бас директоры қызметіне 2022 жылдың 13 мамырында тағайындалған болатын.

Елордалық ұжым бірыңғай ВТБ лигасында 37 ойынның отыз алтысында жеңіліп, турнир кестесінде 1 ұпаймен соңғы орында келеді.