Софья Самоделкина әлем чемпионатын қорытындылады

Қазақстандық мәнерлеп сырғанаушы Софья Самоделкина 2025 жылы Бостонда (АҚШ) өткен әлем чемпионатындағы өнерін қорытындылады, деп хабарлайды Sport12.kz.

«Менің алғашқы әлем чемпионатым.

Маңызды кезең аяқталды, бірақ бәрі енді ғана басталып жатыр. Егер маған екі жыл бұрын осында болатынымды айтса, ешқашан сенбес едім. Бірақ міне, мен осындамын.

Осы маңызды жарыста 14-орын алдым. Мен үшін үлкен қадам. Бұл жай ғана нәтиже емес – бұл құнды тәжірибе, мотивация және дұрыс бағытта келе жатқанымның дәлелі. Нені жетілдіру керек екенін білемін. Өзімді жақсарту үшін барымды саламын.

Бұл сәт – тек менің жеке жеңісім ғана емес. Сонымен қатар бүкіл спортымыздың ілгерлеуіне бағытталған үлкен қадам!!!!» – деп жазды спортшы Instagram парақшасында.

Ресей атынан жарыстарға қатысып жүріп, кейін Қазақстан құрамасына өткен спортшы Бостондағы әлем чемпионатында 14-орынға ие болды. Бұл оған 2026 жылғы Олимпиада ойындарына лицензия алуға мүмкіндік берді.