12.04.2025
Гимнаст Милад Карими Әлем кубогының финалына шықты
Азамат Бақи
Фото: Ұлттық олимпиадалық комитет
Спорттық гимнастикадан Қазақстан құрамасының мүшесі Хорватияның Осиек қаласында өтіп жатқан Әлем кубогы кезеңінің финалына жолдама алды.
Кермедегі жаттығуда өнер көрсеткен Милад іріктеу кезеңінде 14,166 ұпай жинап, финалға екінші орынмен шықты.
Осыған дейін тұтқалы ат снаряды бойынша сынға түскен отандастарымыз Нариман Құрбанов пен Зейнолла Ыдырысов жүлдеге таласу мүмкіндігіне ие болған еді.
Айта кетейік, финалдық бәсекелер 12-13 сәуір күндері өтеді.
